Растот на трошоците за живот и постојаните поскапувања ги тешат семејните буџети, па многумина внимателно ги следат своите приходи. Еден од корисните индикатори за процена на животниот стандард е „средниот еквивалентен нето приход“, кој покажува типичен приход по лице, прилагоден според големината на домаќинството и по оданочувањето.
Според податоците за 2024 година:
- Во 34 европски земји, средниот еквивалентен приход се движи од 3.075 евра во Албанија до 50.799 евра во Луксембург.
- Во рамките на Европската унија, Бугарија има најнизок медијален приход – 7.811 евра, додека просекот во ЕУ е 21.582 евра.
- На врвот на листата, покрај Луксембург, се наоѓаат Швајцарија и Норвешка, а потоа следат Данска, Австрија, Ирска, Холандија и Белгија со приходи од 30.000 до 35.000 евра. Финска, Германија, Шведска и Франција се исто така над просекот на ЕУ.
Нашата земја е меѓу најслабите на листата за приходи, веднаш над Албанија, со 3.910 евра, заедно со Турција и Црна Гора.
Прилагодување според куповната моќ
Разликите во продуктивноста и економската структура објаснуваат дел од јазот, објаснува Џулија Де Лацари, економистка во Меѓународната организација на трудот (МОТ). Земјите со повисока продуктивност можат да плаќаат повисоки плати, а земјите со голем удел во секторите со висока вредност, како финансиите, ИТ и напредното производство, обично нудат поголеми приходи. Земјите кои се потпираат на земјоделство или едноставни услуги, пак, имаат пониски плати.
Кога приходите се прилагодуваат според стандардите на куповната моќ (PPS) – вештачка валутна единица која изедначува колку стоки и услуги можат да се купат во различни земји – јазот меѓу земјите се стеснува, но сепак останува значителен.
Овој индикатор ја покажува реалната способност на домаќинствата да ги задоволат своите потреби и ја нагласува важноста на економскиот развој и продуктивноста за подобар стандард на живот.
