Света Татијана е една од најпочитуваните христијански светителки, позната по својата непоколеблива вера, храброст и пожртвуваност.
Татијана живеела во Рим во III век, во време кога христијаните биле сурово прогонувани. Потекнувала од угледно семејство, но уште од млада возраст целосно му се посветила на Бога. Како ѓакониса во Римската црква, таа служела на сиромашните и болните, ширејќи ја христијанската вера со љубов и милосрдие.
Кога била изведена пред римските власти, од неа било побарано да се откаже од Христос и да принесе жртва на паганските богови, но Татијана одлучно одбила. Поради тоа била изложена на тешки маки и мачења, при што, според преданието, Божјата сила ја заштитувала – идолите паѓале, а нејзините рани чудесно заздравувале. Многумина сведоци на овие настани поверувале во Христа.
На крајот, Света Татијана била погубена со меч, оставајќи вечен пример за верност кон Бога и духовна сила пред неправдата.
Нeјзиниот спомен се празнува на 25 јануари, а во православната традиција се смета за заштитничка на младите, студентите и оние кои се борат за вистината и правдата.
