Џеф Безос ја продаде својата вила во Вашингтон за рекордна сума – заработи 63 милиони долари
Основачот на Amazon и сопственик на Blue Origin, Џеф Безос, ја продаде својата луксузна вила во ексклузивната населба Хантс Поинт, во американската држава Вашингтон, при што заработи 63 милиони долари и постави нов државен рекорд за најскапо платена резиденцијална недвижнина.
Како што објави списанието Washingtonian, продажбата на имотот ја надмина досегашната највисока цена од 17,3 милиони долари, која ја држеше медитеранска вила што со години служела како резиденција на над 12 шведски амбасадори.
Безос ја купи вилата во 2019 година, веднаш по разводот со новинарката Мекензи Скот, и за неа тогаш плати 37,5 милиони долари. Со неодамнешната продажба за 100,5 милиони долари, тој оствари добивка од над 25 милиони долари.
Импресивниот имот се простира на повеќе од три хектари и располага со три спални соби, четири бањи, приватен лифт, кровна тераса и уникатен стаклен мост што води до посебна гостинска куќа.
