На социјалните мрежи се појавија драматични снимки кои наводно прикажуваат пад на дрон во близина на меѓународниот аеродром во Дубаи, настан што предизвика голема загриженост и итна реакција од локалните власти.
Инцидентот, според извештаите, се случил помалку од еден час откако иранскиот претседател Масуд Пешмерга упати извинување до соседните земји поради нападите што се случија за време на тековниот конфликт во регионот.
Иако снимките брзо се проширија на интернет, засега нема официјални информации за евентуална материјална штета на аеродромот. Сепак, како мерка на претпазливост, властите во Обединетите Арапски Емирати привремено ги прекинаа сите летови.
Според локалните извори, авионскиот сообраќај бил запрен додека безбедносните служби ја проверуваат ситуацијата и ја проценуваат можната закана. Пред овој инцидент, одредени летови од Дубаи и Абу Даби се реализирале преку таканаречени безбедни воздушни коридори.
Меѓународните медиуми јавуваат и дека рано утринава во Дубаи биле слушнати две силни експлозии, што дополнително ја зголеми вознемиреноста меѓу жителите и патниците.
Овој настан се случува во период кога тензиите во регионот растат, а Иран продолжува со напади насочени кон земјите од Заливот каде се наоѓаат американски воени бази. Надлежните служби во моментов работат на утврдување на сите детали поврзани со случувањата околу аеродромот.
