Нова сообраќајна несреќа се случила утрово во близина на бензинските станици кај населбата Три Чешми во Штип, објави Мнет телевизија.
Според првичните информации, во инцидентот е причинета материјална штета на возилата кои учествувале во сообраќајката. Во моментов нема официјална потврда дали има повредени лица, а надлежните институции сè уште работат на утврдување на сите детали поврзани со настанот.
На местото на несреќата излегла екипа од СВР Штип, која врши увид и собира докази за да се утврдат точните околности под кои дошло до сообраќајката.
Повеќе информации за причините и последиците од несреќата се очекуваат по завршувањето на увидната постапка и по официјалното соопштение од надлежните служби.
