Вчера во Пробиштип, на улицата „Пониква“ во Злетово, 59-годишна жена пешак настрада во сообраќајна несреќа. Возачот Р.З. (50) од село Неокази, управувајќи „мерцедес“ со пробиштипски регистарски ознаки, удрил во жената, која од здобиените повреди починала на местото на настанот.
Смртта ја констатирал лекар од Итната медицинска помош. По наредба на јавен обвинител, телото е предадено на Судската медицина за обдукција, а увид извршила екипа на ОВР Пробиштип.
