Автобус што превезувал студенти на матурска екскурзија се урна во 80-метри длабока клисура во регионот Антиокија на северозападот на Колумбија, при што најмалку дванаесет лица го загубија животот, а околу 20 се повредени, потврди гувернерот на регионот.
Според медиумите, бројот на загинати се движи и до 16 лица, иако официјално се потврдени 12 смртни случаи. Автобусот превезувал ученици од единаесетто и последно одделение кои се враќале од одмор на карипскиот брег во Бело, во близина на Меделин.
Несреќата се случила во рурална област недалеку од Сеговија, а во автобусот имало околу четириесет патници. Најголемиот дел од повредените се тинејџери на возраст од 16 до 18 години, кои веднаш биле пренесени во локални болници.
„Денес е тажен ден за Антиокија“, изјави гувернерот, додавајќи дека властите веднаш започнале со истрага за причините што довеле до несреќата. Националниот одбор за безбедност во сообраќајот го води истражниот процес.
