Македонската пејачка Ивона Јо преку емотивна објава на социјалните мрежи соопшти дека го загубила својот татко – најважната личност во нејзиниот живот.
„Тато, не се договоривме вака...“ – напиша таа во трогателната порака со која им се обрати на своите пријатели и следбеници, изразувајќи огромна болка и тага поради загубата.
Погребот ќе се одржи утре во 13 часот во селото Љубодраг.
Само пред еден месец, во август, Ивона го претстави својот најличен музички проект досега – песната „Молитва“, создадена во соработка со Темелко Андреев, автор на текстот, музиката и аранжманот, кој стои и зад режијата на видеоспотот.
Со „Молитва“, пејачката ја претстави својата духовна и емотивна страна, испраќајќи силна порака за верата, издржливоста и можноста дури и најтешките моменти во животот да бидат надминати.
