Осуденик од Казнено-поправната установа Затвор Штип бил итно пренесен во Клиничката болница во Штип по инцидент во затворот, информираат надлежните.
Според информациите од Министерството за внатрешни работи, на 30 јуни во 11:32 часот во СВР Штип било пријавено од болницата дека кај нив е донесено 39-годишно осудено лице од кавадаречко подрачје, кое било повредено во затворот.
Од МВР наведуваат дека за случајот е известен јавен обвинител, а по целосно документирање ќе биде поднесена соодветна пријава.
Истрагата за околностите на настанот е во тек.
