Триесетгодишен жител на Скопје е хоспитализиран со тешки телесни повреди откако синоќа паднал од висина во трговски центар во централното градско подрачје.
Како што соопштија од СВР Скопје, на 31 декември 2025 година во 20:14 часот, од Ургентниот центар при Комплексот клиники „Мајка Тереза“ било пријавено дека кај нив е донесен И.Д. (30) од Скопје со сериозни повреди.
Според првичните информации, лицето во моментот на инцидентот било под дејство на алкохол и паднало од висина во трговски центар на подрачјето на општина Центар.
Надлежните служби преземаат мерки за целосно расчистување и утврдување на околностите под кои се случил настанот.
