Министерството за внатрешни работи поднесе кривична пријава против полициски службеник од Полициската станица Центар, со иницијали А.Т., поради сомнеж дека неосновано употребил сила врз лице со ставени лисици.
Инцидентот се случил на 24 мај 2026 година, во раните утрински часови кај фонтаната во Градскиот парк во Скопје. Според истрагата на Одделот за внатрешна контрола, додека преземал службени дејствија кон приведено лице чии раце биле врзани, полицаецот му задал удар во грбот, со што постапил на начин кој го понижува човековото достоинство.
Поради овие дејствија, против полицаецот е поднесена кривична пријава до Основното јавно обвинителство за гонење организиран криминал и корупција за сторено кривично дело „малтретирање во вршење на службата“, а најавена е и дисциплинска постапка за утврдување на неговата работна одговорност.
