Роденденска прослава на дете во кафана во белградската населба Борча завршила со тежок инцидент и тепачка меѓу двајца мажи.
Според српските медиуми, Р.Д. (30) бил тешко повреден во конфликт со Н.С., сегашниот партнер на неговата поранешна сопруга.
Прославата ја организирале Р.Д. и неговата поранешна сопруга за нивното заедничко дете, а меѓу гостите бил и Н.С.
Според неофицијални информации, меѓу двајцата мажи и претходно постоела нетрпеливост.
Инцидентот започнал околу 22 часот, во моментот кога била изнесена роденденската торта.
Се тврди дека Н.С. ја зел тортата и ја фрлил пред локалот, по што започнала вербална расправија која набргу прераснала во физичка пресметка.
Според сомненијата, Н.С. потоа извадил нож и го нападнал поранешниот сопруг на својата партнерка.
Р.Д. се здобил со повреда на десната подлактица, а според медиумските информации му била скршена и шаката.
По инцидентот биле известени полицијата и надлежното обвинителство.
По налог на Првото основно јавно обвинителство, на осомничениот му е определено задржување.
Надлежните продолжуваат да ги утврдуваат сите околности под кои дошло до конфликтот.
