Популарниот албански пејач Шпат Касапи, син на поранешната пратеничка од СДСМ, Ѓилумсер Касапи, почина денеска рано наутро од срцев удар.
Роден на 1 мај 1985 година во Тетово, Шпат пораснал во семејство со музичка традиција, која силно влијаела на неговото уметничко оформување. Кариерата ја започнал на почетокот на 2000-тите и брзо станал идол на младите, оставајќи траен белег во албанската поп-музика со својот препознатлив стил.
Зад себе остави сопруга и едно дете. Исто така, имаше искуство како советник за култура и општество на првиот вицепремиер во претходната Влада, Артан Груби.
Веста за неговата смрт ги потресе фановите и јавноста, кои го паметат како харизматичен уметник со неизбришлива музичка трага.
