По неколкудневна потрага, спасувачките екипи го пронајдоа телото на 22-годишната девојка која исчезна во водите на реката Велика Морава во Србија.
Младата девојка исчезнала на 29 јуни во близина на селото Мијатовац, кога за време на престој покрај реката била повлечена од силната речна струја. И покрај обидите на нејзиното момче и пријателите кои биле со неа да ѝ помогнат, водата ја однела за само неколку секунди.
Потрагата по исчезнатата траела неколку дена, а трагичниот исход бил потврден на 2 јули, кога нејзиното безживотно тело било пронајдено во реката.
Овој случај уште еднаш потсетува на опасностите што ги носат силните речни струи, особено во летниот период кога голем број луѓе престојуваат покрај реките и езерата. Надлежните апелираат граѓаните да бидат особено внимателни и да избегнуваат капење на необезбедени и опасни локации.
