Синоќа околу 21 часот во Барселона се случи воружен инцидент во кој, според првите и неофицијални информации, е убиен државјанин на Србија. Засега непознат напаѓач му пришол на жртвата од зад грб и испукал рафал, при што четири куршуми го погодиле мажот.
Напаѓачот потоа побегнал во правец на „Gran Via de les Corts Catalanes“, авенија долга 13 километри, додека жртвата им подлегнала на повредите на лице место.
Шпанскиот медиум „El Caso“ пренесува дека очевидците го опишале напаѓачот како маж облечен во црно, со висока и силна градба. Според нивните наводи, напаѓачот користел автоматизиран пиштол и го испразнил целиот сандак (шаржер). Убиството се случило во внатрешниот двор на станбен блок на улицата „Минериа“.
Војна на балканските кланови или нарко-пресметка?
Каталонската полиција го истражува случајот во неколку правци:
- Како можна крвна одмазда поврзана со трговија со дрога.
- Се испитува и дали убиството е поврзано со меѓусебните пресметки на криминалните групи од Балканот.
Во текот на ноќта, во областа каде што се случи убиството, беше распореден голем број полициски службеници.
Минувачи се обиделе да го реанимираат
Жителите на околните згради изјавиле дека слушнале рафал, а потоа виделе многу луѓе како трчаат во паника.
Кога пристигнале на местото за да видат што се случило, затекнале маж како лежи на земјата со прострелни рани. Минувачите веднаш се обиделе да му помогнат и започнале со реанимација, која подоцна ја продолжиле лекарите од итната помош. Сепак, повредите биле претешки и жртвата починала на лице место.
