Во страшна сообраќајна несреќа во Сараево, трамвај во полна брзина излетал од шините, при што загинал 23-годишен млад човек, а 17-годишна девојка се наоѓа во критична состојба и се бори за живот.
Според локалните медиуми, девојката веднаш била пренесена во Општата болница „Прим. д-р Абдулах Накaш“, каде ѝ била ампутирана ногата, а лекарите потврдуваат дека има тешки телесни повреди. Во моментов, таа е на интензивна терапија и реанимација.
Возачот на трамвајот исто така е пренесен во Клиничкиот центар на Универзитетот во Сараево и чека психијатриско испитување, за да се утврдат околностите и причините за несреќата.
Очевидците и видеата од местото на несреќата покажуваат дека трамвајот буквално излетал од шините пред да удри, предизвикувајќи хаос на улиците и оставувајќи шокирани минувачи.
Оваа трагедија повторно ја отвора дискусијата за безбедноста на јавниот превоз и потребата од строги контроли на брзината и инфраструктурата во градот.
