Страшно откритие ја шокираше Франција и ја вознемири светската јавност, откако во семеен дом во департманот Горна Сон биле пронајдени телата на две бебиња, скриени во замрзнувач. Случајот веднаш предизвика бран реакции и отвори бројни прашања за тоа што точно се случувало зад затворените врати на куќата.
Според француските медиуми, телата биле откриени во вторник во куќа во градот Авилерс-ет-Лијамон. Првото бебе го пронашол 50-годишен маж, кој веднаш ја алармирал полицијата. Кога службите пристигнале на местото, во истиот замрзнувач било пронајдено и второ тело.
По шокантното откритие, полицијата започнала потрага по партнерката на мажот. Таа била уапсена во Булоњ-Бијанкур. Засега не се соопштуваат официјални информации за нејзината поврзаност со новороденчињата, ниту за околностите под кои тие починале.
Обвинителството отвори истрага, а наредена е и обдукција која треба да утврди кога и како настапила смртта. Истражните органи работат на расчистување на сите детали во овој вознемирувачки случај што остави јавноста во неверување.
