Тело на засега непознато лице било пронајдено денеска околу 16 часот на улицата „Херцеговачка“ во Белград, а околностите под кои настанал случајот сè уште не се разјаснети.
Според првичните информации, телото било откриено во тунел наменет за отпад, по што веднаш биле известени надлежните служби.
На местото на настанот пристигнале поголем број полициски службеници и противпожарни екипи, кои го обезбедиле теренот и презеле активности во рамките на постапката.
Засега нема информации за идентитетот на починатото лице, ниту за причините што довеле до смртта. Не е познато ни дали станува збор за насилна смрт.
Полицискиот увид е во тек, а повеќе детали се очекуваат по завршувањето на истрагата и утврдувањето на околностите на настанот.
