Основното државно обвинителство (ОДО) во Подгорица и полицијата ги истражуваат околностите под кои настапила смрт кај новороденче, откако мајката, наводно, се породила во домашни услови.
Според неформални информации на медиумот „Вијести“, 26-годишна девојка синоќа, три часа по полноќ, во Ургентниот блок на Клиничкиот центар на Црна Гора (КЦЦГ) го донела телото на тукушто роденото бебе.
Наредена обдукција
Девојката им изјавила на лекарите дека породувањето се случило во нејзиниот дом.
Од Клиничкиот центар веднаш го пријавиле случајот во полиција, по што бил известен и дежурниот обвинител. За потребите на истрагата, обвинителот издал наредба да се изврши итна обдукција на новороденчето за да се утврдат точните причини за смртта.
