Двајца мажи се повредени во вооружен напад во Арачиново, откако било пукано кон автомобил „шкода“ со скопски регистарски ознаки.
Инцидентот бил пријавен утрово во 5:45 часот во СВР Скопје. Полицијата утврдила дека во возилото се наоѓале И.И. (34) и Ш.И. (42), кои се здобиле со повреди.
Повредените биле пренесени во болницата „Свети Наум Охридски“ во Скопје за лекарска помош.
Полицијата работи на расчистување на случајот и утврдување на околностите и сторителот на нападот.
