Снимка од брутална кражба во лондонската населба Ричмонд за кусо време стана вирална на социјалните мрежи, предизвикувајќи шок кај јавноста. Двајца маскирани мажи во саботата претпладне, околу 10:30 часот, со чекан го скршиле излогот на семејната златара „Gregory & Co“ и однеле вреден накит, сè пред очите на минувачи.
На видеото се гледа како еден од напаѓачите, облечен во црно и со фантомка на лицето, упорно го удира излогот, додека неговиот соучесник стои на готовс со торба. Ламинираното безбедносно стакло кратко време пружило отпор, но по повеќе силни удари попуштило и крадецот успеал да го извади накитот. Потоа, соучесникот веднаш го ставил пленот во подготвената сина торба и дватајцата исчезнале од местото на настанот.
Мнозинството сведоци биле во шок и не реагирале, а најмалку едно лице успеало да го сними целиот инцидент со мобилен телефон. Еден очевидец за The Daily Mail изјавил дека напаѓачите „се појавиле од никаде со чекан и торба и веднаш почнале да го кршат прозорецот“.
Полицијата од Лондон потврди дека е покрената истрага, а засега нема информации дали се уапсени сторителите. Инцидентот ја потврдува потребата од дополнителни безбедносни мерки за златарските продавници, особено во густо населените и прометни делови на градот.
