СВР Охрид поднеле кривична пријава против М.Д.Д.(39) од Охрид, поради постоење основи на сомнение дека сторила едно продолжено кривично дело „поттикнување“, казниво по чл.23 од Кривичниот законик, а во врска со кривичното дело „лихварство“, казниво по член 260 од Кривичниот законик, како и против Љ.Д.(35) од Охрид, поради постоење основи на сомнение за сторено продолжено кривично дело по член 24 од Кривичниот законик „помагање“, а во врска со кривичното дело „лихварство“, казниво по член 260 од Кривичниот законик.
„Пријавената М.Д.Д. во временскиот период од 2020 до 2024 година, со умисла поттикнувала, примала и за себе договарала несразмерна противправна имотна корист од Б.Р. од Охрид, при што од него изнудила 44.976.415 денари (731 илјади евра – н.з.), кои ги префрлала на сопствена, но и на сметка на Е.Д. и Љ.Д., двајцата од Охрид. Пријавениот Љ.Д. во периодот од 2020 до 2024 година, со умисла помагал, договарал, примал и посредувал за себе и за М.Д.Д. противправна имотна корист од лицето Б.Р. од Охрид, при што, од него биле изнудени 26.579.000 денари (432 илјади евра – н.з)“, се вели во соопштението од МВР.
Излегува дека тие од лицето Б.Р. од Охрид изнудиле вкупно 1,16 милиони евра, при што логично се поставува прашањетпо кој е тој толку богат охриѓанец, што имал толку многу пари, па за да може некој да му изнуди 1,2 милиони евра, и зошто тој ги дал тие пари, односно која била причината за некој од него да изнуди толку висок износ.
