Два одделни случаи на семејно насилство се регистрирани во Скопје, при што жртви биле две жени кои, според пријавите, биле физички нападнати во своите домови. По пријавите, полицијата веднаш презела мерки и постапувала согласно своите надлежности.
Во првиот случај, на 4 август околу 23:40 часот, полициски службеници од СВР Скопје го лишиле од слобода 22-годишниот В.Н. од скопско. Според информациите од полицијата, тој бил пријавен дека истиот ден околу 21:00 часот во семејниот дом физички ја нападнал својата 55-годишна мајка.
Во вториот случај, истиот ден околу 17:40 часот, полициски службеници од Полициската станица Драчево извршиле службен разговор со 42-годишната М.А. од Скопје. Таа била пријавена дека во домот физички ја нападнала својата 73-годишна мајка.
Двата инцидента се водат како случаи на семејно насилство, а полицијата презела активности за целосно расчистување на околностите под кои се случиле.
Од СВР Скопје информираат дека по комплетното документирање на двата случаи ќе бидат поднесени соодветни законски поднесоци против пријавените лица.
