Драматични сцени го потресоа елитниот виенски кварт Алсергрунд! Она што требало да биде рутинско бетонирање во дворот на една постара зграда, се претвори во вистински пекол кога конструкцијата ненадејно попуштила. Скелетот се прекршил како кибрит, повлекувајќи сè под себе и заробувајќи неколку работници под урнатините.
Целиот реон е под опсада на противпожарните бригади и итните служби. Поради нестабилноста на теренот, спасувачите се принудени рачно да ги отстрануваат парчињата бетон и шутот за да стигнат до преживеаните. Специјализирана опрема е на терен, но секој погрешен потег може да предизвика дополнително уривање.
Еден од извлечените работници се наоѓа во животна опасност. Тој итно е префрлен во шок-соба со тешки повреди на главата, ‘рбетот и екстремитетите. Лекарите се борат за неговиот живот, додека семејствата на останатите затрупани чекаат вести во агонија.
Виенската полиција веднаш ги затвори сите околни улици. Хаосот во сообраќајот е огромен, а апелот до граѓаните е јасен: Избегнувајте го овој дел од градот! Истрагата веќе е започната за да се утврди кој згрешил – дали станува збор за човечки фактор или неисправна опрема која за малку ќе станеше гробница за работниците.
