Тешка трагедија ја потресе Кина откако силна експлозија во рудник за јаглен во покраината Шанкси одзеде најмалку 82 животи, додека девет лица и понатаму се водат како исчезнати.
Несреќата се случила во вечерните часови во рудникот Лиушен, каде во моментот на експлозијата работеле стотици рудари. Според информациите на кинеските државни медиуми, во рудникот имало околу 247 работници кога дошло до силната детонација предизвикана од гас.
Спасувачките екипи веднаш биле испратени на местото на трагедијата и сè уште трае потрагата по преживеани. Властите стравуваат дека бројот на жртви може дополнително да се зголеми.
Кинескиот претседател Шји Џинпинг побарал итна и темелна истрага за причините за несреќата и наредил максимални напори за спасување на исчезнатите и лекување на повредените.
Рударските несреќи во Кина и понатаму претставуваат сериозен проблем, иако властите со години ветуваат построги безбедносни мерки во индустријата.
