Вчера на плажата Бонди во Сиднеј се случи терористички напад во кој загинаа 16 лица, а десетина беа повредени. Меѓу жртвите е и Ден Елкајам, фудбалер на македонскиот клуб „Рокдејл Илинден“, што беше потврдено и од самиот клуб.
„Ден беше интегрален член на нашиот тим, екстремно талентиран и омилен меѓу соиграчите. Наша најголема тага и сочувство до неговата фамилија, пријателите и сите кои го познаваа. Ќе ни недостасува. Нека почива во мир“, стои во соопштението од клубот.
Шок и неверица владее во Австралија по страшните настани што се случија на една од најпознатите плажи во земјата.
