Четириесетгодишен државјанин на Албанија бил приведен откако полицијата во неговото возило открила осум мигранти, меѓу кои имало и две малолетни лица.
Настанот се случил вчера околу 12:35 часот на регионалниот пат Демир Капија–Неготино, во близина на местото познато како „Острово“. Полициските службеници запреле автомобил „Фолксваген Туран“ со албански регистарски ознаки, управуван од 40-годишниот П.М.
При извршената контрола, во возилото биле затекнати осум лица кои, според нивните изјави, потекнуваат од Авганистан. Меѓу нив имало и две малолетни лица.
По откривањето на случајот, возачот бил задржан во Полициската станица во Неготино за понатамошна постапка.
Осумте мигранти, пак, биле пренесени во прифатно-транзитниот центар во Гевгелија.
