Вистинска драма се одвивала по полноќ во Гостивар, откако било пријавено пукање од огнено оружје од патничко возило.
Според информациите од полицијата, случајот бил пријавен во 00:13 часот, кога непознато лице кое се движело со „џип“ испукало неколку истрели, а потоа со возилото се упатило кон центарот на градот.
Во инцидентот нема повредени лица.
Неколку часа подоцна, околу 02:10 часот, во Полициската станица во Гостивар доброволно се пријавил 65-годишен жител на градот. Од него биле одземени пиштол „Берета“, кој легално го поседувал, една рамка со осум куршуми и уште една празна рамка.
Полицијата работи на целосно расчистување на случајот, а по завршување на постапката против мажот ќе биде поднесена соодветна кривична пријава.
