Тешка сообраќајна несреќа се случи утринава на патот меѓу Остојиќево и Падеј, во близина на Сента, при што животот го загуби 84-годишен возач, а седум лица се здобија со повреди.
Според првичните информации, автомобилот што го управувал загинатиот удрил во комбе кое во тој момент било запрено на коловозот. Од силината на ударот, возачот починал на местото на несреќата, додека патниците од комбето биле пренесени во Општата болница во Сента, каде им била укажана лекарска помош.
Неофицијално, комбето наводно забавило или застанало откако возачката сфатила дека го промашила свртувањето. Во тој момент автомобилот налетал на задниот дел од возилото.
Според медиумски информации, една жена се здобила со потешки повреди на лицето, додека останатите повредени поминале со полесни повреди и по лекарските прегледи биле пуштени на домашно лекување.
На местото на несреќата увид изврши надлежен јавен обвинител, а сообраќајот за време на истрагата се одвиваше наизменично по една сообраќајна лента. Надлежните институции продолжуваат да ги утврдуваат сите околности што довеле до оваа трагична сообраќајна несреќа.
