Во Зрењанин се случи тешка и трагична сообраќајна несреќа во која животот го загуби 16-годишниот А.М., додека неговиот врсник се здобил со сериозни повреди.
Несреќата се случила околу 15 часот во близина на еден мотел, кога двајцата тинејџери се возеле на електричен велосипед. Од засега непознати причини, дошло до директен судир со автобус.
Според првичните информации, ударот бил многу силен, а последиците фатални. Едниот од момчињата починал на самото место, додека другиот итно бил пренесен во болница со тешки телесни повреди.
На местото на настанот веднаш пристигнале екипи на итната помош и полицијата, кои извршиле увид и го обезбедиле просторот. Сообраќајот во тој дел од градот бил привремено забавен додека траеле истражните активности.
Засега не е познато како точно дошло до контакт меѓу електричниот велосипед и автобусот, а надлежните работат на утврдување на сите околности кои довеле до оваа трагедија.
Настанот ја потресе локалната заедница, особено поради тоа што станува збор за многу млади лица, а истрагата треба да ги открие сите детали околу несреќата.
