Четириесетгодишна жена е осудена на доживотна казна затвор со минимум од 21 година, по брутален напад врз својата 61-годишна сосетка во Шкотска.
Инцидентот се случил неколку дена пред Божиќ во 2023 година, во тивка станбена област во Рутерглен, но случајот подоцна добил огромно внимание поради шокантните детали откриени на суд.
Според обвинението, жената, која била во финансиски долгови, влегла во домот на жртвата и префрлила пари од нејзината банкарска сметка. Потоа следел исклучително насилен напад, во кој жртвата била брутално нападната со повеќе удари во главата и избодена со нож.
Судијата случајот го опишал како „дивјачки и долготраен“, нагласувајќи ја тежината на делото.
По злосторството, обвинетата повикала итна помош и се обидела да ја прикрие вистината, тврдејќи дека ја нашла соседката веќе повредена.
Сепак, истрагата открила значајни докази, вклучувајќи и сомнителни интернет-пребарувања на нејзиниот телефон поврзани со насилни методи и повреди, како и траги пронајдени во нејзиниот дом.
Жртвата била опишана како сакана членка на заедницата, мајка и баба, која претходно победила тешка болест и живеела мирен живот со своето куче.
Случајот предизвика силни реакции во јавноста и ја остави локалната заедница во шок.
