На 20.03.2026 во 11:10 часот, во атарот на село Ерџелија, Свети Николе, полициски службеници од ОВР Свети Николе го лишиле од слобода С.Д. (75) од истото село. Приведувањето следувало по претходна пријава дека на локалниот пат с.Кадрифаково – с.Ерџелија, С.Д. предизвикал пожар, при што гореле сува трева и трска.
Пожарот бил брзо изгаснат од страна на Територијалната противпожарна единица Свети Николе, а за среќа нема пријавено повредени лица.
По целосно документирање на случајот, против С.Д. ќе биде поднесена соодветна пријава, а надлежните органи ќе ја утврдуваат причината и околностите под кои дошло до пожарот.
