Полицијата во Нови Сад уапсила двајца млади мажи, П.Ј. (22) и О.М. (21), поради сомнение дека учествувале во брутален напад врз двајца малолетници.
Инцидентот се случил околу 23 часот во парк во улицата „Војвода Книќанин“, во близина на Медицинското училиште. Според досегашните информации, група маскирани лица вооружени со дрвени палки им пришла на тинејџерите. Децата почнале да бегаат, но 15-годишно момче се сопнало и паднало, по што напаѓачите продолжиле да го удираат додека лежело на земја.
Момчето се здобило со повеќекратни повреди на главата, скршеници на коските на лицето и расекотини по телото. Итната помош интервенирала по највисок приоритет и го пренела на детска хирургија. Вториот малолетник се здобил со полесни повреди.
На двајцата осомничени им е определено задржување до 48 часа, по што ќе бидат изведени пред надлежниот обвинител.
Полицијата продолжува да трага по уште лица за кои постои сомнение дека биле дел од нападот.
