На 17 јануари 2026 година, околу 04:00 часот, полициски службеници од СВР Скопје го лишија од слобода Ј.П. (43) од Скопје. Тој претходно, на 16 јануари околу 21:50 часот, во угостителски објект на подрачјето на Центар, одзел мобилен телефон од 23-годишна девојка од Скопје.
При контрола, полицијата утврдила дека Ј.П. се бара по наредба од Основен кривичен суд за бегство од Казнено-поправната установа Затвор Идризово.
Телефонот е вратен на оштетената, а Ј.П. веднаш е вратен во Затвор Идризово. Против него ќе биде поднесен соодветен поднесок за сторените дела.
