Во утринските часови на 16 јануари 2026 година, жена на 48 години се здобила со тешки телесни повреди во сообраќајна несреќа во Скопје, информира МВР.
Несреќата се случила околу 08:00 часот на улицата „Војвода Васил Чакаларов“, кога патничко возило „киа“ со скопски регистарски ознаки, управувано од 52-годишниот Д.П. од Скопје, удрило во пешакот Р.Д. (48), исто така од Скопје.
Повредената веднаш била пренесена во Комплексот клиники „Мајка Тереза“, каде лекарите констатирале тешки телесни повреди.
На местото на несреќата увид извршила екипа од СВР Скопје, а полицијата работи на целосно расчистување на околностите што довеле до сообраќајниот инцидент.
