Британските власти денес предупредија дека патувањето во Кипар носи ризик од терористички напади, пренесува Би-Би-Си. Според Министерството за надворешни работи и развој, постои висок степен на глобална закана која може да ги засегне британските граѓани и интереси.
Во соопштението се потенцира дека ризикот доаѓа од групи и поединци кои ја гледаат Велика Британија и нејзините граѓани како потенцијални цели. Властите апелираат на постојана будност и внимателно следење на околината за време на престојот во земјата.
