Вчера во Тиквешијата се случија три сообраќајни инциденти, потврди докторот Ратко Грков од Итна медицинска помош Кавадарци.
Во првата несреќа на патот Кавадарци – Возарци, кон селото Дреново, едно лице е потешко повредено, а едно полесно. Во вториот случај, на патот кон селото Рибарци, во близина на Росоман, повредени се со полесни повреди, а во несреќата учествувало и деветмесечно бебе. Третата незгода се случила на патот Неготино – Градско, во близина на археолошкиот локалитет Стоби.
Докторот Грков апелираше на внимателност кај сите учесници во сообраќајот за поголема безбедност. Дополнителни информации ќе бидат објавени од СВР Велес во текот на денот.
