Андриј Парубиј, познат украински политичар и поранешен претседател на Врховната рада, е застрелан во Лавов, јавува „Киев Индепендент“. Парубиј беше клучна фигура во револуцијата на Евромајдан и важеше за едно од најозлогласените имиња на политичката сцена.
Според информациите, пукањето се случило околу пладне во округот Франкивски, а итните служби веднаш излегле на терен. Националната полиција првично објави дека е убиен политичар, а подоцна пратеничката Ирина Херашченко потврди дека жртвата е Парубиј.
Веста ја потврди и украинскиот претседател Володимир Зеленски, кој истакна дека министерот за внатрешни работи Игор Клименко и главниот обвинител Руслав Кравченко го информирале за првичните детали од убиството. „Се распоредуваат сите потребни ресурси за истрага и пронаоѓање на убиецот“, порача Зеленски.
Парубиј починал на местото на настанот. Засега не се откриваат информации за можни осомничени или мотивот зад ова шокантно злосторство кое ја потресе Украина.
