Снежната бура „Јоханес“ денес ја зафати половина од Шведска, предизвикувајќи хаос: околу 50.000 домаќинства останаа без електрична енергија, многу патишта се непроодни поради паднати дрвја, а има и жртви.
Педесетгодишен маж во Сандвикен загина откако врз него паднало дрво, а неколку лица се повредени. Властите апелираат до граѓаните во северните региони Даларна, Гавлеборг и Вестернорланд, како и во јужниот Јамтланд, да останат дома.
Штетата се санира, но предупредувањата за силен ветер сè уште се на сила, а некои железнички линии остануваат непроодни.
