Во Загреб, на Љубљанска авенија, ноќеска околу 01:19 часот се случила тешка сообраќајна несреќа во која учествувале два патнички автомобила – БМВ и Ауди.
Според полицијата, БМВ со загрепски регистарски ознаки се движел со неприлагодена брзина и удрил во левата страна на Ауди со вировитички таблички, кој се движел во иста насока.
Од силниот удар, Аудиот бил оттурнат и удрил во заштитна ограда, додека БМВ-то се превртело и удрило во столб за јавно осветлување. Во моментот на ударот, возачот на БМВ-то бил исфрлен од возилото.
Во автомобилот БМВ се наоѓале и две патнички лица на возраст од 53 и 19 години. Пожарникарите морале да го сечат кровот на возилото за да ја извлечат повредената патничка.
Возачот (37) и 53-годишната патничка се тешко повредени и се згрижени во болница. Тежината на повредите на останатите учесници засега не е целосно позната.
Полицијата соопшти дека против возачот ќе биде поднесена кривична пријава за предизвикување сообраќајна несреќа. Поради увидот, сообраќајот на Љубљанска авенија бил затворен неколку часа.
