Затворски службеник во КПУ Затвор Идризово бил физички нападнат од осуденик во полуотвореното одделение на установата, информираат од Министерството за внатрешни работи.
Според информациите од полицискиот билтен, случајот бил пријавен вчера околу 10:45 часот во СВР Скопје од страна на Казнено-поправната установа Идризово.
Нападот се случил додека затворскиот службеник ги извршувал своите редовни работни задачи во полуотвореното одделение, кога бил физички нападнат од осуденикот Т.П. (35) од Скопје.
Засега не се соопштуваат дополнителни детали за околностите под кои дошло до инцидентот, ниту за евентуалните повреди на службеникот.
Од МВР информираат дека се преземаат сите неопходни мерки и активности за целосно расчистување на случајот, по што ќе бидат преземени соодветни законски мерки.
