Во фабрика за гуми „Јокохама“ во градот Мишима, на централниот јапонски остров Хоншу, 15 лица се повредени во напад изведен со нож и хлор.
Напаѓачот, кој имал 38 години, носел гас-маска и истурил хлор пред да нападне со нож врз работниците. Тој веднаш бил уапсен на местото на настанот, но мотивот за нападот засега не е соопштен.
Јапонските власти продолжуваат со истрага за инцидентот и утврдување на причините за нападот.
