Шеесет и тригодишен маж од Скопје е пронајден починат во својот дом на подрачјето на општина Аеродром, информираат од Министерството за внатрешни работи.
Случајот бил пријавен во СВР Скопје, по што на местото веднаш излегле полициски службеници и екипа на Итната медицинска помош. Лекар од екипата констатирал смрт на лицето.
По наредба на јавен обвинител, телото на починатиот е предадено на Институтот за судска медицина, каде ќе се изврши обдукција со цел да се утврдат точните причини за смртта.
Увид на местото извршила увидна екипа од СВР Скопје, а надлежните органи работат на целосно расчистување на случајот и утврдување на сите околности.
