Израелски одбранбени сили соопштија дека денеска детектирале лансирање ракети од Иран кон територијата на Израел. Според информации од Тајмс оф Израел, во наредните минути се очекува активирање на сирените за тревога.
Граѓаните кои го добиле предупредувањето се повикани веднаш да се засолнат во безбедни простории и заштитени зони, додека израелските власти ги следат нападите и се подготвуваат за понатамошни дејствија.
Претходно денеска, ирански функционер изјави дека Техеран се подготвува за одмазда поради израелските напади, најавувајќи „разорен“ одговор, што ја зголемува тензијата во регионот и ја прави ситуацијата сериозно нестабилна.
