Во Струмица е приведен 42-годишен маж по пријава дека физички ја нападнал својата поранешна сопруга на градскиот плоштад.
Според информациите од полицијата, инцидентот се случил на 26 август околу 11 часот. Мажот, според пријавата, на плоштадот во Струмица ја нападнал својата 36-годишна поранешна сопруга.
Неколку часа подоцна, околу 15:45 часот, полициски службеници од СВР Струмица го пронашле во струмичко село и го лишиле од слобода.
За случајот е известен јавен обвинител од Основното јавно обвинителство Струмица.
Од полицијата информираат дека по целосното документирање на случајот против 42-годишникот ќе биде поднесена соодветна пријава.
