Петнаесетгодишно момче од Охрид се здобило со тешки телесни повреди во сообраќајна несреќа меѓу мопед и патничко возило.
Според информациите од полицијата, несреќата се случила на 13 август околу 14:40 часот на улицата „Јабланица“ во Охрид.
Во сообраќајката учествувале патничко возило „мерцедес“ со охридски регистарски ознаки, управувано од А.Ј. (20) од струшкото село Калишта, и мопед со охридски регистарски ознаки, кој го управувал 15-годишникот.
Во судирот малолетникот се здобил со тешки телесни повреди, кои биле констатирани во Специјалната болница „Св. Еразмо“ во Охрид.
За несреќата бил известен јавен обвинител, а увид на местото извршила екипа на СВР Охрид.
