Во Црна Гора во тек е апсење на повеќе лица осомничени за создавање криминална организација и шверц, соопшти денеска Специјалното државно обвинителство (СДТ).
Во соопштението се наведува дека апсењата се спроведуваат по налог на СДТ, а меѓу осомничените има и припадник на Полициската управа, пренесе RTCG.
Се истакнува дека Специјалното полициско одделение извршува итни доказни дејствија и апсења во три града:
- Подгорица
- Тиват
- Цетиње
„Специјалното државно обвинителство на Црна Гора, по завршувањето на доказните дејствија кои се преземаат и по сослушувањето на лицата лишени од слобода како осомничени, ќе ја информира јавноста за резултатите и за одлуката за понатамошниот тек на постапката“, се наведува во соопштението.
