По трагичниот настан во Ново Место, каде беше убиен 48-годишен маж, словенечките власти одлучија да ги зајакнат безбедносните мерки во регионот Доленска. Во таа област е распоредено засилено полициско присуство, а Советот за национална безбедност активираше мешани патроли составени од припадници на полицијата и словенечката армија.
Според РТВ Словенија, војската ќе ја поддржува полицијата со персонал и техничка опрема, додека, како што соопшти Владата, војниците нема да имаат полициски овластувања за време на нивните активности. Присуството на мешаните патроли е во согласност со тековниот план за соработка помеѓу армијата и полицијата, слично како и во 2015 година за време на мигрантската криза, кога овој модел се покажа како ефикасна поддршка за одржување на јавната безбедност.
Секретаријатот на Советот предложи до Владата активирање на член 37 од Уставот, кој овозможува армијата да соработува со полицијата во поширок надзор на државната граница и на територијата во рамките на државата, во согласност со плановите и претходна одлука на Владата.
Новите мерки следат по инцидентот од 25 октомври околу 2:30 часот наутро, кога 48-годишен маж бил нападнат во бар на улицата „Розманова“ додека дошол да го земе својот син, кој бил закануван од група Роми. Жртвата претрпела сериозни повреди на главата и подоцна починала во болница. Полицијата досега уапсила 20-годишен осомничен припадник на ромската заедница.
По овој настан, премиерот на Словенија, Роберт Голоб, свика кризен состанок, на кој министерката за правда, Андреја Катич, и министерот за внатрешни работи, Боштјан Поклукар, поднесоа оставки, кои беа прифатени од премиерот.
Не дознавај последен- читај ПРВ.мк
