Најбараниот балкански бегалец и водач на „Кавачкиот клан“, Радоје Звицер, се крие во селото Грахово, близу Котор во Црна Гора. Според информации на српскиот медиум „Република“, тој живее во специјално изградени засолништа, додека неговата безбедност ја обезбедуваат десетици вооружени телохранители и беспилотни летала кои ја надгледуваат околината.
Звицер се движи илегално и преку соседните земји како Босна и Херцеговина, Хрватска, Србија, Косово и Албанија, користејќи мрежа со лажни идентитети и соработници за да избегне апсење. Роден во 1982 година, тој е мускулест, со атлетска градба, сини очи и кафеава коса, и е поврзан со повеќекратни криминални активности, вклучувајќи шверц на дрога, убиства и перење пари.
Звицер и неговиот клан се еден од најопасните на Балканот, додека тој сам е баран во Австрија за шверц на 83 килограми кокаин и е на листата на најбарани бегалци на Европол. Претходно бил обвинет и за обиди за атентат врз претседателот на Србија, Александар Вучиќ, но без официјално поднесено обвинение.
