Во голема полициска акција во Грција, откриена е организирана криминална група која користела нелегален софтвер на бензинските пумпи за да краде гориво од купувачите. Софтверот прикажувал повеќе количество гориво отколку што всушност било наточено, оставајќи ги возачите во заблуда.
Акцијата опфатила 30 истовремени претреси на бензински станици, претпријатија и приватни домови во региони како Атика (околу Атина), Солун, Тесалија, како и централна, северна и североисточна Грција. Во неа биле приведени десет осомничени.
Надлежните објасниле дека членовите на групата со употреба на софтверот ги доведувале граѓаните во заблуда, прикажувајќи поголеми количини гориво на дисплеите отколку што навистина било испорачано.
Слични акции веќе биле спроведени во 2025 година. Во март тогаш беа уапсени над 55 лица, идентификувани како членови на две вакви организации, а софтверот бил поставен на над 50 бензински пумпи низ цела Грција. Два месеца подоцна, пет бензински станици во Солун и Атина беа затворени поради истраги.
